Que Facemos

¿Quen pode practicar Agility?
O Agility é unha actividade de lecer e deportiva na que poden participar todo tipo de cans, sen distinción de raza, adaptando a altura dos obstáculos ao seu tamaño (estándar, midi, mini).

Está aberta tamén a todo tipo de persoas, sendo 16 anos a idade mínima esixida para poder competir en probas. De todos os xeitos, nas probas organizadas por UCA existe unha sección infantil na que participan, fóra de competición, rapaces e rapazas menores de 16 anos, cos seus propios cans ou mesmo con cans doutros participantes adultos que os “comparten” con eles para fomentar a realización desta saudable actividade deportiva entre a infancia e a mocidade.

Agility e iniciación ao agility
Empezaremos por que lle aprendas ao teu can a obediencia necesaria para que te siga na pista. Logo aprenderás a dirixilo para salvar os diferentes obstáculos e a colocarte na pista durante o percorrido, pero, sobre todo, pasaredes un bo rato xuntos.

Obediencia
Ensinarás ao teu can a camiñar ao teu lado, sentar, tombarse, quedar quieto e acudir á túa chamada, con e sen correa.

Ademais…

• Cursos de educación canina para propietarios
• Socialización de cachorros
• Modificación de condutas